164 Views
काठमाडौं, ३१ वैशाख । नेपालबाट अमेरिका पठाइदिन्छौँ भनेर नेपालीहरूलाई केन्या पु¥याएर बन्धक बनाउने गिरोहका मुख्य आरोपी पक्राउ परेका छन् । काठमाडौं उपत्यका अपराध अनुसन्धान कार्यालयको टोलीले नेपालीहरूलाई अमेरिका पठाउने भनेर ठगी गरी केन्या पु¥याउने र बन्धक बनाउने गिरोहका मुख्य अभियुक्त पक्राउ गरेको हो ।
भारतमा बसेर काठमाडौँमा एजेन्टमार्फत अमेरिकाको सपना देखाएर ७ करोडभन्दा धेरै ठगेको आरोपमा जगतबहादुर तामाङसहित ३ जना पक्राउ परेका हुन् । उनिहरुले २५ जना नेपालीहरूलाई अमेरिका पठाउने भनेर अवैध बाटोबाट केन्या पु¥याएको अनुसन्धानबाट खुलेको हो ।
१० जना नेपालीहरु केही दिन अघि नै नेपाल आइसकेका छन्। अन्य १५ जना भने केन्याम बन्धक रहेको प्रहरीले बताएको थियो । करोडौं रकम ठगी गरी बन्धक बनाउने तीन जना गत वैशाख २७ गते पक्राउ परेका थिए ।
पक्राउ पर्नेमा सिन्धुपाल्चोक घर भई काठमाडौं बुढानिलकण्ठ नगरपालिका वडा नम्बर ११ कपन बस्ने ४७ वर्षीय टासी शेर्पा, जोरपाटी बस्ने ४२ वर्षीया ङिमवटी शेर्पा र १९ वर्षीया निमा शेर्पा छन् ।
उनीहरूले १० जना नेपालीहरूबाट ५ करोड बढी रकम ठगी गरेको र बन्धक रहेका १५ जनाबाट ७ करोड बढी ठगी गरेको अनुसन्धानबाट खुलेको हो।
यसबारे प्रहरीले सोमबार (आज) नै पत्रकार सम्मेलन गर्ने तयारी गरेको छ ।
