काठमाडौं, ६ असोज । त्रिपुरेश्वरमा सोमबार बसमा आगलागी हुँदा जलेर घाइते भएका २५ वर्षीय चालक अर्जुनदावा लामाको उपचारका क्रममा मृत्यु भएको छ ।

बा५ख ४२७४ नम्बरको सार्वजनिक बसभित्रै आगो लाग्दा गम्भीर घाइते चालक लामाको कीर्तिपुर अस्पतालमा उपचारका क्रममा गए राती मृत्यु भएको अस्पतालले बताएको हो ।

मूलपानीदेखि थानकोटतर्फ जाँदै गरेको ऋद्धिसिद्धि यातायातको बसमा भित्रै बसेर चालकले आगजनी गरेका थिए आगलागीलगत्तै दमकलको सहायताले आगो नियन्त्रणमा लिइए पनि ९० प्रतिशतभन्दा बढी शरीर जलेका लामाको उपचारकै क्रममा मृत्यु भएको हो ।

चालके सवारी नियम उल्लंघन गरेको विषयमा ट्राफिक प्रहरीसँग विवाद भएको बुझिएको छ । काठमाडौं प्रशासनले पनि घटना छानबिनका लागि सहायक सीडीओको नेतृत्वमा छानबिन समिति बनाएको छ ।

मृत्यु भएका व्यक्तिको पहिचान भने अझै खुल्न सकेको छैन । घटनाबारे थरीथरीका अपुष्ट समाचार सार्वजनिक भइरहेका छन् । बसमा आगलागी गर्नेको लाइसेन्स अर्का चालकको रहेको सामाजिक सन्जालमा सुनिएका छन् । चालकले बोकेको लाइसेन्सका आधारमा प्रहरीले मिडियामा सूचना दिएको थियो तर लाइसेन्स दुरुपयोगको भएको अनुमान गरिएको छ ।