तनावग्रस्त बन्यो सिरहाको गोलबजार, गोली लागेर एक युवकको मृत्यु
अनलाइनसमय |
काठमाडौं, १४ साउन । सिरहाको गोलबजारमा गोली लागेर एकजनाको मृत्यु भएको छ । कफ्र्यू आदेशबीच दुई पक्षबीच झडप बढ्दै जाँदा गोली लागेर करिब १८–१९ वर्षीय गणेश यादवको मृत्यु भएको हो । उनी सिरहाको मिर्चैया नगरपालिका–तुलसीपुरका निवासी रहेको जिल्ला प्रशासन कार्यालयले जनाएको छ ।
घटनापछि प्रदर्शनकारीहरूले मृतकको शव सडकमै राखेर विरोध प्रदर्शन जारी राखेका छन् । उनीहरूले सुरक्षाकर्मीलाई शव उठाउन दिएका छैनन् ।
त्यस्तै, गोली नै लागेर एकजना घाइते भएका छन । उनलाई थप उपचारको लागि नेपाली सेनाले अस्पताल लगेको छ ।
अहिले यस क्षेत्रमा सेना परिचालन गरिएको छ ।
ताजा समाचार
