काठमाडौं, ११ मंसिर । सुनसरीबाट नक्कली नोटसहित दुई जना पक्राउ परेका छन् । जिल्लाको कोशी गाउँपालिका–१ लौकही बजारबाट नेपाली एक हजार दरका ४ थान नक्कली नोटसहित उनीहरु पक्राउ परेका हुन् ।

पक्राउ पर्नेमा भारत बिहारका ३१ वर्षीय रामनाथ राय र मोरङ सुन्दरहरैंचाका २० वर्षीय सन्देश उराव रहेका छन् । लौकही बजारस्थित मनिष किराना पसलमा उनीहरूले सामान किनमेल गरि एक हजारको नोट दिएका थिए । उक्त नोट नक्कली रहेको शंका लागेर पसल धनीले तत्काल प्रहरीलाई खबर गर्नासाथ इलाका प्रहरी कार्यालय लौकहीबाट खटिएको प्रहरीले उनीहरूलाई पक्राउ गरेको हो ।

प्रहरीले उनीहरूको साथबाट २ थान र सामान किनेको दुई वटा पसलबाट १÷१ थान गरि ४ थान नक्कली नोट बरामद गरेको प्रहरीले जनाएको छ ।