56 Views
काठमाडौं, २० मंसिर । नेपाल प्रिमियर लिग (एनपीएल)मा सट्टेबाजी खेलाएको आरोपमा थप तीन जना पक्राउ परेका छन् ।
केन्द्रीय अनुसन्धान ब्युरोको टोलीले त्रिवि क्रिकेट मैदान कीर्तिपुरमा बसेर सट्टेबाजी गराउने थप ३ जनालाई पक्राउ गरेको हो ।
यसअघि चारजना भारतीय नागरिकलाई ब्युरोले पक्राउ गरेको थियो । भारतीय नागरिकहरु २४ वर्षीय सुमन धोस, २५ वर्षीय अमित यादव, २४ वर्षीय सुमन कुमार र २५ वर्षीय ब्रजेस कुमार यसअघि पक्राउ परेका थिए ।
उनीहरुमाथि पोर्ट बाजी, प्रोबो लगायत अनलाइन बेटिङ एपबाट सट्टेबाजी खेलाएको प्रहरीले जनाएको छ । पक्राउ परेकाहरुविरुद्ध सट्टेबाजी खेलाउन नहुने कसुरमा अनुसन्धान अघि बढाइएको छ ।
