71 Views
काठमाडौं, १४ मंसिर । वैदेशिक रोजगारमा पोल्याण्ड पठाइदिन्छु भनी रकम ठगी गरेको अभियोगमा एक जना पक्राउ परेको छ । काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले पोल्याण्ड पठाइदिन्छु भन्दै ३ लाख ३० हजार रूपैयाँ ठगी गरेको अभियोगमा पक्राउ गरेको हो ।
पक्राउ पर्नेमा कपिलवस्तु बाणगंगा नगरपालिका–८ घर भई काठमाडौं–३१ नयाँबानेश्वर बस्ने ४२ वर्षीया कल्पना कुँवर रहेको प्रहरीले जनाएको छ ।
उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल पठाइएको छ ।
