64 Views

काठमाडौं, २६ कार्तिक । बागलुङमा पिकअप भ्यान दुर्घटना हुँदा ५ जनाको मृत्यु भएको छ ।

बागलुङको जैमिनी नगरपालिका–८ छिस्तीबाट बागलुङ बजार जाँदै गर्दा जैमिनी–७ जैदीको व्यार्थला नजिकै आज बिहान दुर्घटना हुँदा चालकसहित पाँच जनाको मृत्यु भएको हो ।

भ्यानमा चालकसहित ६ जना सवार थिए । त्यसमध्ये एकजना जीवित उद्धार गरिएको जिल्ला प्रहरी कार्यालयका प्रहरी निरीक्षक एवं सूचना अधिकारी केशव थापाले जानकारी दिए । उनको धौलागिरी अस्पतालमा उपचार भइरहेको छ ।

उनका अनुसार ग२च ९२४७ ‘पिकअपभ्यान’ सडकदेखि ४ सय मिटरभन्दा तल खसेको छ । घटनामा मृतकको पहिचान खुलिसकेको छैन । घटनाको थप विवरण आउन बाँकी रहेको उनले बताए ।