काठमाडौं, १७ असार । बुधबार नेपाल स्टक एक्सचेन्ज (नेप्से) परिसूचक सामान्य अङ्कले बढेको छ । आज नेप्से परिसुचक ३.७९ अङ्कले बढेर २१ सय ४ दशमलव २२ को विन्दुमा बन्द भएको छ ।

बुधबार १ करोड ७१ लख ३४ हजार कित्ता शेयर ६१ ह्जार १९९ पटक किनबेच हुँदा कुल ५ अर्ब ८ करोड ३५ लाख २८ हजार ९३५ रुपैयाँको कारोबार भएको छ । यस दिन ३१४ धितोपत्रको कारोबार हुँदा १३६ धितोपत्रको मूल्य बढेको छ । त्यस्तै १०१ धितोपत्रको मूल्य घटेको छ भने ६ वटा धितोपत्रको मूल्य स्थिर छ ।

बुधबार कारोबार भएका १३ समूहको उपसूचकमध्ये ८ वटा समूहको उपसूचक बढ्दा ५ समूहको उपसूचक घटेको छ । आज व्यापार समूहको उपसूचकमा लगानीकर्ताको आकर्षण देखिएको छ । व्यापार समूहको उपसूचक ६.१२ प्रतिशतले बढेको छ ।

बुधबार कारोबारमा आएका धितोपत्रमध्ये सेन्ट्रल फाइनान्स र आइसीएफसी फाइनान्सको शेयर मूल्यमा सकारात्मक सर्किट लागेको छ । त्यस्तै गुहेश्वरी मरच्यान्ट बैंक एन्ड फाइनान्सको ९.९८, मन्जुश्री फाइनान्सको ९.९६, सप्तकोशी डिभलपमेन्ट फाइनान्सको ८.०८ र मैलुङ खोला जलविद्युत कम्पनीको ७.७५ प्रतिशतले शेयर मूल्य बढेको छ ।
आज सबैभन्दा बढी चिख्र्वा हाइड्रोपावरको शेयर मूल्य ४.७० प्रतिशतले घटेको छ । हिमालय उर्जा विकास कम्पनीको ४.२७, माण्डु हाइड्रोपावरको ४.११, प्रभु सेलेक्ट फन्डको ४.०१ र बोतलर्स नेपाल (बालाजु) लिमिटेडको ३.९६ प्रतिशतले शेयर मूल्य घटेको छ ।