काठमाडौं, २ असोज । कारोबारको अन्तिम दिन शुक्रबार नेपाल स्टक एक्सचेन्ज (नेप्से) परिसूचक बढेको छ । आज नेप्से परिसूचक २२ दशमलव ८५ अंकले बढेर दुई हजार ६४७ दशमलव २२ बिन्दुमा कायम भएको हो ।

आज २ करोड १२ लाख ७२ हजार ७६१ कित्ता शेयर किनबेच हुँदा ६ अर्ब ७४ करोड ५६ लाख रुपैयाँको कारोबार भएको छ । अघिल्लो कारोबार दिन बिहीबार हुँदा ५ अर्ब ४९ करोड ९३ लाख रुपैयाँको कारोबार भएको थियो ।

आज १९६ धितोपत्रको शेयर मूल्य बढ्दा ७४ को घटेको छ । यस्तै ९ धितोपत्रको भने स्थिर रहेको छ । यसदिन कुल ३४५ धितोपत्र कारोबारमा आएका छन् ।

आज स्नो रिभर्स १३ दशमलव ६६, इन्फिनिटी लघुवित्त ९ दशमलव ८१, मोलुङ खोला जल विद्युत् ८ दशमलव ८३ र यामलिङ हाइड्रोपावरको शेयर मूल्य ६ दशमलव २ प्रतिशतले बढेको छ ।

यसदिन हाथवे इन्भेष्टमेन्ट नेपाल १५, धौलागिरी लघुवित्त ५ दशमलव १३, मात्रृभुमि लघुवित्त २ दशमलव ६४ र लक्ष्मी फस्ट म्युचुअल फण्डको शेयर मूल्य २ दशमलव ६१ प्रतिशतले ह्रास आएको छ ।