काठमाडौं, २० असार । कुनै पनि भवितव्य र आर्थिक जोखिमबाट बच्नका लागि बीमालाई निर्विकल्प वित्तीय उपकरण मानिन्छ । जसले थोरै प्रिमियमको बापत पनि ठूलो क्षतिपूर्ति सुनिश्चित गर्दछ । दिगो विकास र नागरिकको जीवनस्तर सुरक्षित राख्नका लागि हरेक राष्ट्रमा बीमाको ठूलो आवश्यकता र अपरिहार्यता रहेको छ ।

नेपाल जस्तो न्यून विकसित र भौगोलिक रूपमा विपद्को उच्च जोखिममा रहेको मुलुकमा त झन् यसको महत्व यसै पनि बढी छ । सोही कारण पनि पछिल्ला वर्षमा बीमाको पहुँच र दायरा बढ्दै गएको छ । यद्यपि अझै पनि आधा जनसंख्या बीमाको पहुँच बाहिर छन् । निर्जीवन बीमातर्फ पनि बीमाले समेट्नुपर्ने क्षेत्र धेरै छन् । नेपालमा बीमा सेवा विस्तार, दिगो विकास र यसको नियमनमा नेपाल बीमा प्राधिकरणले कसरी काम गरिरहेको छ त ? बीमा साक्षरता बढाउन कस्तो पहल हुँदै छ ?

बिहीबार हिमालयन टेलिभिजनमा प्रसारण भएको कार्यक्रम वित्तीय शिक्षामा कानून महाशाखा प्रमुख, नेपाल बीमा प्राधिकरणका निर्देशक शाम्भराज लामिछानेसँग गरिएको कुराकानी :