काठमाडौंबाट ओखलढुंगा जाँदै गरेको बस तामाकोशी नदीमा खस्यो
अनलाइनसमय |
काठमाडौं, २७ माघ । काठमाडौंबाट रामेछापको धोबी हुँदै ओखलढुंगाको पोकली जाँदै गरेको बस तामाकोशी नदीमा खसेको छ ।
रामेछापका प्रमुख जिल्ला अधिकारी श्याम कृष्ण थापाका अनुसार रामेछापको मचानेटार भन्ने ठाउँबाट प्रदेश ३ ०१–००५ख९९७५ नम्बरको बस तामाकोशी नदीमा खसेको हो । बसबाट ४ जनाको शव निकालिएको छ ।
बसमा सवार ६ यात्रु भने घाइते अवस्थामा फेला परेकाले उद्धार गरेर उपचारका लागि पठाइएको प्रहरीले जनाएको छ ।
उद्धार जारी नै रहेकाले मृत्यु र घाइतेको विवरण आउन बाँकी रहेको प्रहरीले जनाएको छ ।
ताजा समाचार
