तोलामा २१ सयले बढ्यो सुनको मूल्य
अनलाइनसमय |
काठमाडौं, ४ असोज । आइतबार नेपाली बजारमा सुनचाँदी दुवैको मूल्य बढेको छ । अघिल्लो कारोबार दिनको तुलनामा आज सुन तोलामा २ हजार १ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ३ लाख ५ हजार २०० रुपैयाँमा कारोबार भइरहेको छ । अघिल्लो कारोबार दिन शुक्रबार सुन तोलामा ३ लाख ३ हजार १०० रुपैयाँमा कारोबार भएको थियो ।
त्यस्तै, आज चाँदी तोलामा २० रुपैयाँले बढेको छ । शुक्रबार प्रतितोला ४ हजार ७७५ रुपैयाँमा कारोबार भएको चाँदी आज ४ हजार ७९५ रुपैयाँमा कारोबार भइरहेको महासंघले जनाएको छ ।
