काठमाडौं, १३ जेठ । नेपाल राष्ट्र बैंकका गभर्नर डा. विश्वनाथ पौडेल नियुक्ति बदरको माग गर्दै सर्वाेच्च अदालतमा रिट दर्ता भएको छ ।

यसअघि अधिवक्ता अनन्तराज लुइँटेल, विशाल थापा, प्रतिभा उप्रेतीलगायतले शुक्रबार सर्वोच्च अदालत प्रशासनमा पेस गरेको रिट मंगलबार सर्वोच्चमा दर्ता भएको हो ।

रिटमा पराजित प्रतिनिधि सभाको सदस्यको उम्मेदवारलाई अघि सारिएकाले कानुन व्यवस्थाको विपरित सिफारिस समितिकै पदाधिकारीले राजीनामा गरी आफैं सोमा छनोट हुने परिपाटीले सुशासनको धज्जी उडाएकोलेउनको नियुक्त बदरभागी भएको उल्लेख गरिएको छ ।

साथै रिटमा मुद्दाको टुंगो नलादासम्म गभर्नरले नोटमा हस्ताक्षर गर्नेलगायत राष्ट्रिय महत्त्वका विषयमा अन्तरिम आदेश माग गरिएको छ ।

उक्त रिटको सुनुवाइका लागि बुधबार पेसी तोकिएको छ ।