काठमाडौं, ७ असोज । नेपाल विद्युत प्राधिकरणका नवनियुक्त कार्यकारी निर्देशक दीर्घायु कुमार श्रेष्ठले पद तथा गोपनीयताको सपथ लिएका छन् ।

ऊर्जा, जलस्रोत तथा सिँचाइमन्त्री विराजभक्त श्रेष्ठले बुधबार मन्त्रालयमा आयोजित कार्यक्रममा उनलाई सपथ गराएका हुन् ।

सपथपछि मन्त्री श्रेष्ठले प्राधिकरणमा प्रणालीगत सुधारलाई प्राथमिकता दिँदै निष्ठापूर्वक काम गर्न निर्देशन दिए । उनले मन्त्रालयअन्तर्गतका विभिन्न निकायसँग प्रभावकारी समन्वय गरेर अघि बढ्न पनि कार्यकारी निर्देशक श्रेष्ठलाई सुझाव दिए ।

भोटेकोशी बाढीका कारण उत्पन्न चुनौतीपूर्ण परिस्थितिमा कायम मुकायम कार्यकारी निर्देशकका रूपमा श्रेष्ठले गरेको कामको प्रशंसा गर्दै मन्त्री श्रेष्ठले धन्यवादसमेत व्यक्त गरे ।