49 Views
काठमाडौं, १७ मंसिर । प्रधानमन्त्री केपी शर्मा ओली चार दिने औपाचारिक भ्रमणका लागि चीन प्रस्थान गरेका छन् । प्रधानमन्त्री ओली नेतृत्वको प्रतिनिधिमण्डल टोली सोमबार हिमालय एयरलाइन्सको चार्टर विमानबाट चीन प्रस्थान गरेका हुन् ।
चिनियाँ समकक्षी ली छ्याङको निमन्त्रणामा प्रधानमन्त्री ओली नेतृत्वको टोली चीनको राजधानी बेइजिङ प्रस्थान गरेका हुन् । त्रिभुवन अन्तर्राष्ट्रिय विमानस्थलबाट आज ११ बजे प्रस्थान गरेका उनको टोली साँझ ६ बजेर १० मिनेटमा बेइजिङ पुग्ने छ ।
मंगलबार प्रधानमन्त्री ओलीले चीनका राष्ट्रपति सी चिनफिङ, प्रधानमन्त्री ली छ्याङ, चिनियाँ जनकंग्रेसका स्थायी कमिटी सदस्य झाओ लेजीसँग भेटवार्ता गर्ने कार्यक्रम रहेको जनाइएको छ । बुधबार प्रधानमन्त्री ओलीले पेकिङ विश्वविद्यालयमा मुख्य सम्बोधन र बेइजिङस्थित नेपाली राजदूतावास, चाइना काउन्सिल फर द प्रमोशन अफ इन्टरनेसनल ट्रेड र नेपाल उद्योग वाणिज्य महासङ्घको संयुक्त आयोजनामा हुने नेपाल–चीन व्यापार मञ्चलाई सम्बोधन हुनेछ ।
प्रधानमन्त्री ओली मंसिर २० गते (बिहीबार) स्वदेश फर्कने छन् ।
