71 Views
काठमाडौं, ९ मंसिर । प्रतिनिधिसभाका सचिव सुरेश अधिकारीले राजीनामा दिएका छन् ।
संघीय संसद सचिवालयका प्रवक्ता एकराम गिरीका अनुसार स्वास्थ्यको कारण देखाउँदै उनले जिम्मेवारी सम्हालेको पाँच महिनामै पदबाट राजीनामा दिएका हुन् ।
सचिव अधिकारीले राष्ट्रपतिसमक्ष राजीनामा दिएका हुन् ।
सभामुख देवराज घिमिरेको सिफारिसमा १८ असार २०८१ मा अधिकारी प्रतिनिधि सभाको सचिवमा नियुक्त भएका थिए ।
सभामुख घिमिरे हाल कम्बोडिया भ्रमणमा छन् । पूर्वसचिव अधिकारीलाई सभामुख घिमिरेले प्रतिनिधि सभा सचिव नियुक्ति सिफारिस गरेका थिए ।
