133 Views
फागुन-१३ काठमाडौं । नयाँबानेश्वर बुद्धनगरमा अवस्थित के एम सी स्कुलले अभिभावक अभिमुखिकरण तालिम सम्पन्न गरेको छ । गतहप्ता तह गत रुपमा विभाजन गरेर अभिभावकहरुलाई विद्यालयको कार्यक्रमहलको शान्त वातावरणमा तालिम उपलव्ध गराइएको थियो ।
अभिभावकहरुको लागि राखिएको कार्यक्रममा अधिकांश अभिभावकहरु आ-आफ्ना ड्युटि मिलाएर कार्यक्रममा बसेको देख्दा कार्यक्रमको औचित्यताको थप पुष्टि हुन्थ्यो ।
मनोवैज्ञानिक परामर्शदाताहरुको उच्चस्तरको प्रशिक्षणबाट अभिभावकहरु प्रफुल्लित देखिन्थे । वास्तवमै सिकाई त्यो पनि नेपाल जस्तो मुलुक जहाँ चेतनाको स्तर नै उकास्न धौ धौ परिरहेका बेला विध्युतिय उपकरणहरु जस्तैः मोबाइल, ल्यापटप आदिका कुलतका कारणले पार्ने नोक्सानी र छुटाउने प्रयासका सन्दर्भमा रोजक तरिकाले परामर्शदाताले प्रस्तुति दिएका थिए । सोहि कार्यक्रममा सिकाईमा ३ पक्षिय अभिभावक, शिक्षक र विद्यार्थीको भुमिका बराबर रहन्छ भनेर प्रयोगात्मक तरिकाले बुझाउन गरिएको प्रयास प्रशंसनिय थियो ।
