काठमाडौं, २० जेठ । नेपाल बैंक लिमिटेड र मेधर्म क्लिनिक्स प्रा.लि.बीच बैंकका ग्राहक तथा कर्मचारीलाई स्वास्थ्य सेवामा विशेष सहुलियत प्रदान गर्ने उद्देश्यले सम्झौता भएको छ ।

सम्झौताअनुसार नेपाल बैंकमा खाता रहेका ग्राहकहरू तथा बैंकमा कार्यरत कर्मचारीहरूले काठमाडौंको दरबारमार्ग स्थित मेधर्म क्लिनिक्समा उपचार सेवा लिँदा विभिन्न स्वास्थ्य सेवाको शुल्कमा बिल रकमको १५ प्रतिशतसम्म छुट प्राप्त गर्नेछन् ।

यही जेठ १३ गते सम्झौता पत्रमा नेपाल बैक लिमिटेडको तर्फबाट बजारीकरण तथा अनुसन्धान डिभिजन प्रमुख निर्मल सुवेदी र मेधर्म क्लिनिक्स् प्रा.लि. को तर्फबाट प्रमुख कार्यकारी अधिकृत डा. अनुप सुवेदीले हस्ताक्षर गरेका हुन् ।

यसबाट नेपाल बैंक लिमिटेडमा खाता रहेका ग्राहकहरू तथा बैंकमा कार्यरत कर्मचारीहरूलाई मेधर्म क्लिनिक्स् प्रा.लि. द्वारा प्रदान गरिने सहुलियतपूर्ण स्वास्थ्यसेवाबाट लाभान्वित हुने विश्वास गरिएको छ ।