तोलामा ७ सयले बढ्यो सुनको मूल्य
अनलाइनसमय |
काठमाडौं, २ माघ । नेपाली बजारमा शुक्रबार सुनको मूल्य बढेको छ । अघिल्लो कारोबार दिनको तुलनामा आज सुन तोलामा ७ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ७७ हजार २ सय रुपैयाँमा कारोबार भईरहेको छ । अघिल्लो कारोबार दिन बिहीबार छापावाल सुन प्रतितोला २ लाख ७६ हजार ५ सय रुपैयाँमा कारोबार भएको थियो ।
यस्तै शुक्रबार चाँदीको मूल्य पनि तोलामा १६० रुपैयाँले बढेको छ । बिहीबार प्रतितोला ५ हजार ४८५ रुपैयाँ कायम भएको चाँदी आज बढेर ५ हजार ६४५ रुपैयाँ पुगेको महासंघले जनाएको छ ।
