काठमाडौं, २९ पुस । नेपाली बजारमा मंगलबार सुनचाँदीको मूल्यले नयाँ रेकर्ड बनाएको छ । अघिल्लो कारोबार दिनको तुलनामा आज सुन तोलामा १ हजार ८ सय रुपैयाँले बढेर नयाँ रेकर्ड बनाएको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ७६ हजार ५ सय रुपैयाँमा कारोबार भईरहेको छ, यो मूल्य हालसम्मकै उच्च हो ।

अघिल्लो दिन सोमबार छापावाल सुन तोलामा २ लाख ७४ हजार ७ सय रुपैयाँमा कारोबार हुँदै नयाँ रेकर्ड कायम गरेको थियो, जुन आज नै तोडिएको छ ।

यस्तै, आज चाँदी पनि हालसम्मकै उच्च मूल्यमा कारोबार भईरहेको छ । सोमबार प्रतितोला ५ हजार १९५ रुपैयाँमा कारोबार भएको चाँदी आज ५ हजार ३४० रुपैयाँ कायम भएको महासंघले जनाएको छ ।