काठमाडौं, २७ पुस । नेपाली बजारमा आइतबार सुनको मूल्य बढेको छ । अघिल्लो कारोबार दिनको तुलनामा आज सुन तोलामा २ हजार ८ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ७० हजार ६०० रुपैयाँमा कारोबार भईरहेको छ ।अघिल्लो कारोबार दिन शुक्रबार छापावाल सुन प्रतितोला २ लाख ६७ हजार ८ सय रुपैयाँमा कारोबार भएको थियो ।

यस्तै, आज चाँदीको मूल्य पनि तोलामा २१० रुपैयाँले बढेको छ । शुक्रबार प्रतितोला ४ हजार ७८० रुपैयाँमा कारोबार भएको चाँदी आज ४ हजार ९९० रुपैयाँ कायम भएको छ । चाँदीका यो मूल्य हालसम्मकै उच्च हो । पुस २३ गते तोलामा ४ हजार ९३५ रुपैयामा कारोबार हुँदै नयाँ रेकर्ड बनाएको थियो, जुन आज तोडिएको छ ।