काठमाडौं, २४ पुस । होटल फरेष्ट इन लिमिटेडले आईपीओ जारी गर्ने भएको छ । बम्पनीले पहिलो चरणमा वैदेशिक रोजगारीमा रहेका नेपालीहरूका लागि माघ ४ गतेदेखि आईपीओ जारी गर्ने भएको हो ।

कम्पनीले जारी पूँजी २ अर्ब रुपैयाँको २० प्रतिशत बराबरको शेयर निष्कासन अनुमति पाएको छ, जसअन्तर्गत ४ लाख कित्ता साधारण शेयर विदेशमा कार्यरत नेपालीहरूका लागि छुट्याइएको हो ।

प्रतिकित्ता १०० रुपैयाँ दर रहेको यस आईपीओमा न्यूनतम १० कित्ता र अधिकतम २ लाख कित्तासम्म आवेदन दिन सकिनेछ । आवेदन अवधि छिटोमा माघ ८ गते र ढिलोमा माघ १८ गतेसम्म रहनेछ ।

आईपीओका लागि इन्फोमेरिक्स क्रेडिट रेटिङ्ग नेपालले कम्पनीलाई आइआरएन डबल बी माइनस रेटिङ्ग दिएको छ, जसले कम्पनीको वित्तीय दायित्व वहन क्षमतामा मध्यम जोखिम रहेको जनाउँछ ।