काठमाडौं, १७ पुस । पाल्पा सिमेन्ट इण्डष्ट्रीज लिमिटेडले पुस २५ गतेदेखि आईपीओ निष्कासन गर्ने भएको छ । कम्पनीले पहिलो चरणमा प्रभावित क्षेत्रका स्थानीय बासिन्दा तथा वैदेशिक रोजगारीमा रहेका नेपालीहरूका लागि आईपीओ निष्कासन गर्न लागिएको हो ।

कम्पनीले कुल ७५ लाख कित्ता शेयरमध्ये १८ लाख ७५ हजार कित्ता स्थानीय बासिन्दाका लागि र ५ लाख ६२ हजार ५०० कित्ता वैदेशिक रोजगारीमा रहेका नेपालीहरूका लागि छुट्याएको छ ।

स्थानीयका लागि आईपीओ छिटोमा माघ ९ र ढिलोमा माघ २५ गतेसम्म खुला रहनेछ भने वैदेशिक रोजगारीमा रहेका नेपालीहरूका लागि पुस ३० देखि माघ ९ गतेसम्म आवेदन दिन सकिनेछ । आवेदन न्यूनतम १० कित्तादेखि अधिकतम १ लाख कित्तासम्म दिन पाइनेछ ।

आईपीओ निष्कासनका लागि कम्पनीले इन्फोमेरिक्सबाट आईआरएन डबल बी प्लस रेटिङ प्राप्त गरेको छ, जसले मध्यम जोखिम जनाउँछ । कम्पनीको शेयर निष्कासन तथा बिक्री प्रबन्धक नबिल इन्भेष्टमेन्ट बैंकिङ लिमिटेड रहेको छ ।