130 Views
काठमाडौं, २ जेठ । भिजिट भिसामा कुवेत पुर्याई मानव बेचबिखन गरेको आरोपमा प्रहरीले दुई जनालाई पक्राउ गरेको छ । अपराध अनुसन्धान कार्यालयको टोलीले बुधबार उनिहरुलाई पक्राउ परेको हो ।
पक्राउ पर्नेमा दैलेखको नारायण नगरपालिका–९ घर भई हाल काठमाडौ्को तार्केश्वरमा बस्ने २४ वर्षीय राकेश सुनार भन्ने गोपाल सुनार र गोरखाको पालुङटार–८ घर भई हाल टोखा नगरपालिका–६ बस्ने आयुष भन्ने २५ वर्षीय आकाश बाबु विक रहेका छन् ।
पक्राउ परेका उनीहरूलाई थप अनुसन्धान तथा कारबाहीको लागि मावन बेचबिखन अनुसन्धान व्यूरो बबरमहल पठाइएको प्रहरीले जनाएको छ ।
उनीहरूले बेरोजगार महिलाहरुलाई दुबईमा रहेको कम्पनीमा आकर्षक तलबको प्रलोभनमा पारी भिजिट भिसामा दुबई लगी प्रलोभनमा पारेर कुवेत पुर्याई मानव बेचविखन तथा ओसारपसार गरेको प्रहरीको आरोप छ ।
