काठमाडौं, २६ भदौ । चीनको सहयोगमा नेपालका लागि पठाइएको आपत्कालीन राहत सामग्रीको पाँचौँ खेप शुक्रबार काठमाडौँ आइपुगेको छ ।

शुक्रबार चिनियाँ जनमुक्ति सेनाको वायुसेनाको ठूलो ट्रान्सपोर्ट विमानमार्फत काठमाडौँस्थित त्रिभुवन अन्तर्राष्ट्रिय विमानस्थलमा आइपुगेको हो ।

उक्त राहत सामग्री हस्तान्तरण समारोहमा नेपालका लागि चिनियाँ राजदूत महामहिम चााङ माओमिङ र नेपालका विज्ञान, प्रविधि तथा नवप्रवर्तन मन्त्री माननीय महावीर पुन सहभागी थिए ।

नेपालको अति आवश्यक आवश्यकतालाई ध्यानमा राखी पठाइएको यो राहत सामग्रीमा डिजेल जेनेरेटर, मेडिकल सुरक्षात्मक मास्क, शव फ्रीजर, डिएनए परीक्षण उपकरण तथा रिएजेन्टहरू र जल उद्धार सामग्रीहरू रहेका छन् ।