शुक्रबार बढ्यो सुनचाँदीको मूल्य
अनलाइनसमय |
काठमाडौं, २२ साउन । नेपाली बजारमा आज सुनचाँदीको मूल्य बढेको छ । आज सुनको भाउ प्रतितोला नौ सय रूपैयाँ बढेको हो ।
नेपाल सुनचाँदी व्यवसायी महासंघका अनुसार आज सुन प्रतितोला दुई लाख ९६ हजार नौ सय रूपैयाँमा किनबेच भइरहेको छ । बिहीबार सुन प्रतितोला दुई लाख ९६ हजार रूपैयाँमा कारोबार भएको थियो ।
यस्तै, शुक्रबार चाँदीको मूल्य पनि बढेको छ । बिहीबार तोलामा चार हजार पाँच सय ७० रूपैयाँमा कारोबार भएको चाँदी आज चार हजार पाँच सय ८० रूपैयाँमा कारोबार भइरहेको छ ।
