काठमाडौं, २९ जेठ । यस साताको कारोबार अन्तिम दिन शुक्रबार नेपाल स्टक एक्सचेन्ज (नेप्से) परिसूचक ४ अङ्कले घटेको छ । यो ह्राससँगै परिसूचक २ हजार ७२४ दशमलव ०३ को बिन्दुमा बन्द भएको छ । अघिल्लो कारोबार दिन बिहीबार परिसूचक परिसूचक ८ दशमलव १४ अङ्कले घटेर २,७२८ को बिन्दुमा कायम भएको थियो ।

आज परिसूचक घटे पनि कारोबार रकम भने बढेको छ । बिहीबार ३ अर्ब ९० करोडको कारोबार भएकोमा आज ४ अर्ब ३२ करोड ७६ लाख रुपैयाँ बराबरको कारोबार भएको छ । यस दिन ९८ लाख २४ हजार ८६८ कित्ता शेयर ५४ हजार ३ पटक किनबेच भएको छ ।
शुक्रबार ३४२ धितोपत्र कारोबारमा आए, जसमध्ये १७० धितोपत्रको मूल्य घटेको छ । त्यस्तै ८८ धितोपत्रको मूल्य बढेको छ भने १३ वटा धितोपत्रको मूल्य स्थिर छ ।

आज कारोबार भएका १३ समूहको उपसूचकमध्ये ९ वटा समूहको उपसूचक घट्दा ४ समूहको उपसूचक बढेको छ । यस दिन उत्पादनमुलक समूहको उपसूचक सबैभन्दा धेरै ०.४९ प्रतिशतले घटेको छ । होटेल एण्ड टुरिजमको ०.३७, फाइनान्सको ०.३६, माइक्रोफाइनान्सको ०.३४, हाइड्रोपावरको ०.२५, जीवन बीमाको ०.१९, विकास बैंकको ०.१५, बैंकिङको ०.१२ र लगानी समूहको उपसूचक ०.९ प्रतिशतले घटेको छ ।
त्यस्तै, म्युचुअल फण्ड समूहको उपसूचक सबैभन्दा धेरै ०.३८ प्रतिशतले घटेको छ । व्यापारको ०.३७, जीवन बीमाको ०.३३ र अन्य समूहको उपसूचक ०.१८ प्रतिशतले घटेको छ ।

शुक्रबार सोपान फार्मास्यूटिकल्स र अपल्ले हाइड्रोपावरको शेयर मूल्य १५ प्रतिशतले बढेको छ । त्यस्तै, ग्रीन डेभलपमेन्ट बैंकको १४.८७, सिद्धार्थ इन्भेष्टमेन्ट ग्रोथको ४.१७ र हिमाल दोलखा हाइड्रोपावरको ३.७२ प्रतिशतले शेयर मूल्य बढेको छ ।

आज किराञ्चोक हाइड्रोपावरको शेयर मूल्य सबैभन्दा धेरै १०.६६ प्रतिशतले घटेको छ । त्यस्तै, सप्तकोशी डिभलपमेन्ट बैंकको ४.४३ र झापा इनर्जीको ३.२५ प्रतिशतले शेयर मूल्य घटेको छ ।