काठमाडौं, २५ जेठ । यस साताको कारोबार पहिलो दिन सोमबार नेपाल स्टक एक्सचेन्ज (नेप्से) परिसूचक २० दशमलव २७ अङ्कले घटेको छ । यो ह्राससँगै परिसूचक २ हजार ७३५ दशमलव १४ को विन्दुमा बन्द भएको छ । गत हप्ता शुक्रबार परिसूचक ११ दशमलव ३७ अङ्कले घटेर २,७५५ को विन्दुमा कायम भएको थियो ।

आज परिसूचक घटेसँगै कारोबार रकम पनि घटेको छ । आइतबार ५ अर्ब ६२ करोडको कारोबार भएकोमा आज ४ अर्ब ८ करोड ४८ लाख रुपैयाँ बराबरको कारोबार भएको छ । यस दिन ९२ लाख ३६ हजार ६७७ कित्ता शेयर ५६ हजार ८४५ पटक किनबेच भएको छ ।

सोमबार ३५६ धितोपत्र कारोबारमा आए, जसमध्ये २२१ धितोपत्रको मूल्य घटेको छ । त्यस्तै ४३ धितोपत्रको मूल्य बढेको छ भने ६ वटा धितोपत्रको मूल्य स्थिर छ ।

आज कारोबार भएका १३ समूहको उपसूचकमध्ये फाइनान्स समूहको उपसूचकबाहेक सबै समूहको उपसूचक घटेको छ । यस दिन व्यापार समूहको उपसूचक सबैभन्दा धेरै १.७७ प्रतिशतले घटेको छ ।

त्यस्तै, अन्य समूहको १.५०, विकास बैंकको १.३, हाइड्रोपावरको ०.९५, निर्जीवन बीमाको ०.८३, होटेल एण्ड टुरिजमको ०.७१, म्युचुअल फण्डको ०.५९, जीवन बीमाको ०.५४ र बैंकिङ समूहको उपसूचक ०.४५ प्रतिशतले घटेको छ ।

सोमबार कालिञ्चोका हाइड्रोपावरको शेयर मूल्य १५ प्रतिशतले बढेको छ । त्यस्तै, क्रेष्ट माइक्रोलाइफको १३.११, सोपान फार्मास्यूटिकल्सको ९.९८, सामुदायिक लघुवित्तको ८.८५ र गुह्येश्वरी मर्चेन्ट बैंक एण्ड फाइनान्सको ४.३४ प्रतिशतले शेयर मूल्य बढेको छ ।

आज उपकार लघुवित्तको शेयर मूल्य सबैभन्दा धेरै ७.१४ प्रतिशतले घटेको छ । त्यस्तै, सयपत्री हाइडा«ेपावरको ६.१, सूर्यकुण्ड हाइड्रोको ३.७१ र विकास हाइड्रोपावरको ३.५४ प्रतिशतले शेयर मूल्य घटेको छ ।