काठमाडौं, ७ जेठ । बिहीबार नेपाल स्टक एक्सचेन्ज (नेप्से) परिसूचक १२ दशमलव ३६ अङ्कले घटेको छ । यो ह्राससँगै परिसूचक २ हजार ७४२ दशमलव ११ को विन्दुमा बन्द भएको छ । अघिल्लो कारोबार दिन बिहीबार परिसूचक ३० दशमलव ८ अङ्कले बढेर २,७५४ को विन्दुमा कायम भएको थियो ।

आज परिसूचक घटे पनि कारोबार रकम भने बढेको छ । बुधबार ३ अर्ब ८२ करोडको कारोबार भएकोमा आज ३ अर्ब ८९ करोड ८४ लाख रुपैयाँ बराबरको कारोबार भएको छ । यस दिन २ ८९ लाख ५५ हजार ५४५ कित्ता शेयर ४४ हजार ७४४ पटक किनबेच भएको छ ।

बिहीबार ३४८ धितोपत्र कारोबारमा आए, जसमध्ये १८८ धितोपत्रको मूल्य घटेको छ । त्यस्तै ७२ धितोपत्रको मूल्य बढेको छ भने ९ वटा धितोपत्रको मूल्य स्थिर छ ।

आज कारोबार भएका १३ समूहको उपसूचकमध्ये म्युचुअल फण्डबाहेक सबै समूहको उपसूचक घटेको छ । होटल एण्ड टुरिजम समूहको उपसूचक ०.८६, हाइड्रोपावरको ०.६८, बैंकिङको ०.५७, माइक्रोफाइनान्सको ०.५०, निर्जिवन बीमाको ०.४२, उत्पादनमुलक समूहको ०.३६, र अन्य समूहको उपसूचक ०.३१ प्रतिशतले घटेको छ ।

बिहीबार बुङ्गल हाइड्रोपावरको शेयर मूल्य सबैभन्दा धेरै ६.१८ प्रतिशतले बढेको छ । त्यस्तै, स्वाभिमान लघुवित्त वित्तीय संस्थाको ३.६२ र बोतलर्स नेपाल (बालाजु) को ३ प्रतिशतले शेयर मूल्य बढेको छ ।

आज अपर लोहोर खोला जलविद्युत कम्पनीको शेयर मूल्य सबैभन्दा धेरै १४.९५ प्रतिशतले घटेको छ । त्यस्तै, झापा इनर्जीको ८.११, माउन्टेन हाइड्रोको ७.४० र सिटी होटलको ३.८० प्रतिशतले शेयर मूल्य घटेको छ ।