काठमाडौं । नेपालस्थित साउदी अरबको राजदूतावासले ‘खजुर हस्तान्तरण कार्यक्रम’ आयोजना सम्पन्न गरेको छ । कुपण्डोलस्थित दूतावास परिसरमा आयोजित कार्यक्रममा साउदी अरब र नेपालबीचको मित्रता, उदारता तथा सांस्कृतिक सम्बन्धलाई विशेष रूपमा उजागर गरिएको दूतावासले जनाएको हो ।

कार्यक्रममा साउदी संस्कृतिमा आतिथ्यता र परम्पराको प्रतीक मानिने खजुर समुदायस्तरमा वितरण तथा सहयोगका लागि औपचारिक रूपमा हस्तान्तरण गरिएको थियो ।

उक्त कार्यक्रममा दूतावासका उच्च अधिकारीहरू, विभिन्न क्षेत्रका प्रतिनिधिहरू तथा विशिष्ट अतिथिहरूको सहभागिता थियो । सहभागीहरूले नेपाल र साउदी अरबबीच लामो समयदेखि कायम रहेको आत्मीय तथा सौहार्दपूर्ण सम्बन्धलाई अझ सुदृढ बनाउने विश्वास व्यक्त गरेका थिए ।