नगरप्रहरीको घेरा तोडेर प्रमुख प्रशासकीय अधिकृत कार्यालय प्रवेश
अनलाइनसमय |
काठमाडौं, २१ चैत । काठमाडौं महानगरपालिकाबाट निलम्बनमा परेका प्रमुख प्रशासकीय अधिकृत सरोज गुरागाईं महानगर पुगेका छन् । आज (बिहीबार) महानगर पुगेका उनलाई कर्मचारीहरूले स्वागत गरेका हुन् ।
महानगर प्रहरी उनलाई गेटमै रोकेका थिए । कर्मचारीको सहयोगमा नगरप्रहरीको घेरा तोडेर उनी कार्यकक्षमा प्रवेश गरिसकेका छन् ।
अहिले नगरप्रहरी प्रमुख राजु पाण्डेसहितको टोली त्यहाँ पुगेका छन् ।
