काठमाडौं, २१ चैत । विन नेपाल लघुवित्त वित्तीय संस्था लिमिटेडले आजदेखि थप एफपीओ निष्कासन तथा बिक्री खुला गरेको छ ।

लघुवित्तले ५१ लाख २९ हजार २५० रुपैयाँ बराबरको प्रतिकित्ता १०० रुपैयाँ अंकित मूल्यका ५१ हजार २९२।५ कित्ता एफपीओ थप सार्वजनिक निष्कासन तथा बिक्री खुला गरेको हो ।

लघुवित्तले बैंक तथा वित्तीय संस्थासम्बन्धी ऐन, २०७३ को दफा ९ बमोजिम स्वःपुँजी संरचनामा सर्वसाधारणको हिस्सा ३० प्रतिशत कायम गर्न एफपीओ निष्कासन गरेको हो ।

कम्पनीको एफपीओमा लगानीकर्ताले चैत २६ गतेसम्म आवेदन दिन सक्नेछन् । यस अवधिभित्र मागअनुसार आवेदन नपरे २०८२ वैशाख ४ गतेसम्म आवेदन अवधि लम्बिनेछ । एफपीओमा न्यूनतम १० कित्तादेखि अधिकतम एक हजार कित्तासम्म आवेदन दिन सकिनेछ ।