काठमाडौं, १७ असार । एनएमबि बैंक लिमिटेडले करिब २३ हजार कित्ता संस्थापक शेयर विक्रीमा राखेको छ । बैंकले २२ हजार ७२७ कित्ता शेयर विद्यमान संस्थापक सेयरधनी र अन्य व्यक्ति,कम्पनी तथा संघ संस्थाका लागि लिलामीमार्फत बिक्रीमा राखेको हो ।

सेयर खरिद गर्न चाहने इच्छुक लगानीकर्ताले असार २३ गतेसम्म बिक्री प्रबन्धक एनएमबि क्यापिटलमा आईपुग्ने गरी बोलपत्र आवेदन पेश गर्नुपर्नेछ ।

सर्वसाधारणले समेत खरिद गर्न पाउने गरी बिक्रीमा ल्याएको शेयरको मूल्य प्रतिकित्ता १२० रुपैयाँ तोकिएको छ । बोलपत्र आवेदन पेश गर्दा न्यूनतम २२ हजार ७२७ कित्ताका लागि आवेदन दिनुपर्नेछ ।