आज सुनको मूल्य बढ्यो, कतिमा हुँदैछ कारोबार ?
अनलाइनसमय |
काठमाडौं, १२ मंसिर । नेपाली बजारमा आज सुनको मूल्य बढेको छ ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ९ सय रुपैयाँले बढेर १ लाख ४९ हजार ६ सय रुपैयाँमा कारोबार भइरहेको छ ।
अघिल्लो दिन मंगलबार प्रतितोला २ हजार ६ सय रुपैयाँले घटेको सुन १ लाख ४८ हजार ७०० रुपैयाँमा कारोबार भएको थियो ।
त्यस्तै, आज चाँदीको मूल्य पनि बढेको छ । चाँदीको मूल्य १० रुपैयाँले बढ्दै प्रतितोला १ हजार ८३० रुपैयाँ कायम भएको महासंघले जनाएको छ । मंगलबार चाँदी प्रतितोला १ हजार ८२० रुपैयाँमा कारोबार भएको थियो ।
