काठमाडौं, १ साउन । नागरिक लगानी कोष (सिआइटी)को २९ औं वार्षिक साधारणसभाले आर्थिक वर्ष २०७९-८० (आव) को आम्दानी बाँडफाँट हिसाव विवरणमा छुट्याएर १४ प्रतिशत बोनस शेयर र ०. ७३६८ प्रतिशत नगद लाभांश पारित गरेको छ ।

यस्तै सभाले आव २०७९-८० को वार्षिक प्रतिवेदनमाथि छलफल गरी पारित गर्नुका साथै लेखापरीक्षकको प्रतिवेदनसहितको २०८० असार मसान्तको वासलात, नाफा नोक्सान हिसाब र नगद प्रवाह विवरणमा छलफल गरी पारित भएको छ ।

आर्थिक वर्ष २०८०-८१ को चैत मसान्तसम्म कोषको खुद कोष मौज्दात रकम २ खर्ब ४८ अर्ब १ करोड रुपैयाँ पुगेको छ । उक्त अवधिमा कोषले २ खर्ब ३६ अर्ब ८० करोड रुपैयाँ लगानी गरेको कोषले जनाएको छ ।