काठमाडौं, २४ जेठ । प्रधानन्यायाधीश विश्वम्भरप्रसाद श्रेष्ठ बंगलादेश प्रस्थान गरेका छन् । बंगलादेशका समकक्षी प्रधानन्यायाधीश अब्दुल हसानको निमन्त्रणामा ‘न्यायालयको अन्तर्राष्ट्रिय सम्मेलन’मा भाग लिन प्रधानन्यायाधीश श्रेष्ठ बिहीबार बंगलादेशको राजधानी ढाका प्रस्थान गरेका हुन् ।

प्रधानन्यायाधीश श्रेष्ठले ढाकामा हुने न्याय क्षेत्रको अन्तर्राष्ट्रिय सम्मेलनमा नेपालको प्रतिनिधित्व गर्नेछन् ।
प्रधानन्यायाधीशको भ्रमण दलमा उनकी पत्नी रोशनी अमात्य श्रेष्ठ र सर्वोच्च अदालतका रजिष्ट्रार विमल पौडल सहभागी छन् ।

विमान बंगलादेशको उडानबाट ढाका प्रस्थान गरेका प्रधानन्यायाधीश श्रेष्ठसँग उनकी श्रीमती रोशनी अमात्य र सर्वोच्च अदालतका रजिष्ट्रार विमल पौडेल सहभागी रहेको सर्वोच्च अदालले जनाएको छ ।