114 Views
काठमाडौं, २० जेठ । चीनले आफ्नो मानवरहित अन्तरिक्ष यान पृथ्वीबाट नदेखिने चन्द्रमाको एउटा भागमा अवतरण गरेको जनाएको छ । यसअघि चन्द्रमाको उक्त क्षेत्रमा कोही गएका छैनन् र कसैले त्यहाँ जाने प्रयास समेत गरेका छैनन् ।
चाइना नेशनल स्पेस एडमिनिस्ट्रेशन (सीएनएसए) द्वारा जारी गरिएको विज्ञप्तिमा भनिएको छ, ‘बेइजिङको समय अनुसार बिहान ६ः२३ मा चाङ–इ–६ यान चन्द्रमाको दक्षिणी ध्रुव नजिकै आइटकेन बेसिनमा अवतरण गर्न सफल भएको छ ।’
चीनले मे ३ मा सुरु गरेको उक्त अभियानको उद्देश्य चन्द्रमाको यस भागबाट चट्टान र माटो सङ्कलन गरी पृथ्वीमा ल्याउनु हो । यो मिसनले चन्द्रमाको सबैभन्दा पुरानो चट्टानहरू सङ्कलन गर्न सक्छ ।
चन्द्रमाको दक्षिणी ध्रुवमा रहेको एउटा ठुलो क्रेटर उक्त यान मानवरति अवतरण भएको छ । चन्द्रमाको दक्षिणी ध्रुवमा अन्तरिक्ष यान अवतरण गर्न सफल हुने चीन विश्वको पहिलो राष्ट्र हो । चीनले सन् २०१९ मा चाङ–ई–४ अन्तरिक्ष यान उक्त क्षेत्रमा अवतरण गरेको थियो ।
