बागमतीमा एमालेका ६ मन्त्रीले दिए सामूहिक राजीनामा
अनलाइनसमय |
काठमाडौं, ६ साउन । बागमती प्रदेश सरकारमा सहभागी नेकपा एमालेका ६ मन्त्रीले पदबाट सामूहिक राजीनामा दिएका छन् ।
एमाले संसदीय दलका नेता जगन्नाथ थपलियाले पार्टीको निर्णयअनुसार मन्त्रीहरूको राजीनामा मुख्यमन्त्री कार्यालयमा पठाएका हुन् ।
राजीनामा दिनेमा एमालेबाट सरकारमा सहभागी बिन्दु श्रेष्ठ, डा. दिनेशचन्द्र देवकोटा, किरण थापा, भरतबहादुर केसी, मधुसूदन पौडेल र जयराम थापा रहेका छन् ।
एमालेको राजीनामासँगै बागमती प्रदेश सरकारको सत्ता समीकरणमा नयाँ अवस्था सिर्जना भएको छ ।
