काठमाडौं, २८ जेठ । हाल नेपालमा उपल्लो वायुमण्डलमा रहेको पश्चिमी न्युन चापीय रेखा तथा स्थानीय वायूको प्रभाव रहेको जल तथा मौसम विज्ञान विभागले जनाएको छ ।

यसैका कारण अहिले कोशी, मधेश, बागमती, गण्डकी र लुम्बिनी प्रदेशका थोरै स्थानहरूमा मेघगर्जन र चट्याङ्गसहित हल्का देखि मध्यम वर्षा भइरहेको छ ।

विभागका अनुसार आज दिउँसो गण्डकी प्रदेशको एक–दुई स्थानमा भारी वर्षाको सम्भावना रहेकोे छ । त्यस्तै, कोशी, बागमती र गण्डकी प्रदेश लगायत देशका हिमाली र पहाडी भू–भागका केही स्थानहरू तथा मधेश, लुम्बिनी र सुदूरपश्चिम प्रदेशको तराई भू–भागका एक–दुई स्थानमा मेघगर्जन र चट्याङ्गसहित मध्यमसम्मको वर्षा तथा हिमपातको सम्भावना रहेको छ ।

आज राती कोशी, मधेश, बागमती र लुम्बिनी प्रदेशको एक–दुई स्थानमा भारी वर्षाको सम्भावना रहेको छ । कोशी, मधेश र बागमती प्रदेश लगायत सुदूरपश्चिम, लुम्बिनी र गण्डकी प्रदेशका पहाडी र तराई भू–भाग तथा कर्णाली प्रदेशका पहाडी भू–भागका केही स्थानहरूमा साथै गण्डकीू, लुम्बिनी, कर्णाली र सुदूरपश्चिम प्रदेशका हिमाली भू–भागका थोरै स्थानहरूमा मेघगर्जन र चट्याङ्गसहित मध्यम वर्षा तथा हिमपातको सम्भावना रहेको विभागले जनाएको छ ।