काठमाडौं । नेपालस्थित स्विडेनको महावाणिज्य दूतावासले ‘मिडसमर सेलिब्रेशन एन्ड फेयरवेल रिसेप्सन’ कार्यक्रम आयोजना गर्ने भएको छ । कार्यक्रम मे २८ तारिखमा लाजिम्पाटस्थित होटल मानस्लुमा सम्पन्न भएको हो ।

कार्यक्रम स्विडेनका लागि नेपालस्थित राजदूत हे.इ. जान थेस्लेफको सम्मान तथा विदाइका अवसरमा आयोजना गरिएको हो ।

मौशुमी श्रेष्ठका अनुसार स्विडिस ‘मिडसमर’ पर्वको सांस्कृतिक भावना झल्काउने गतिविधिसहित आपसी सम्बन्ध सुदृढ गर्ने उद्देश्य कार्यक्रम राखिएको हो । सहभागीहरूबीच सांस्कृतिक आदान–प्रदान, अन्तरक्रिया तथा सहकार्यबारे भएको जनाइएको छ ।