काठमाडौं, ११ वैशाख । साताको अन्तिम कारोबार दिन शुक्रबार नेपाल स्टक एक्सचेन्ज (नेप्से) बढेको छ । आज नेप्से परिसूचक १ दशमलव ५४ अंक बढेर २ हजार ७८८ दशमलव ७ विन्दुमा बन्द भएको हो ।

आज १ करोड २१ लाख ७४ हजार ५१६ कित्ता शेयर किनबेच हुँदा ५ अर्ब २७ करोड रुपैयाँको कारोबार भएको छ । हिजो ५ अर्ब ९ करोडको कारोबार भएको थियो ।

८७ कम्पनीको मूल्य बढ्दा १६८ को घट्यो भने १४ को स्थिर रह्यो ।

तीन कम्पनीको मूल्य १५ प्रतिशत बढेको छ । १५ प्रतिशत मूल्य बढेका कम्पनीमा पाल्पा सिमेन्ट इन्डस्ट्रिज, शिखर पावर र माइखोला हाइड्रोपावर छन् । त्यस्तै कर्पोरेट डेभलपमेन्ट बैंकको १२ दशमलव ६२ तथा श्रीनगर एग्रिटेकको शेयर मूल्य ४ दशमलव ९१ प्रतिशत मूल्य बढेको छ ।

मेन्छियाम हाइड्रोपावरको शेयर मूल्य ३ दशमलव ५० प्रतिशत घटेको छ ।