काठमाडौं, १३ जेठ । एनआइसी एसिया बैंकले आजदेखि आफ्नो स्वामित्वमा रहेको नागरिक लगानी कोषको संस्थापक सेयर लिलामी बिक्री खुला गरेको छ । बैंकले नागरिक लगानी कोषको ५० हजार कित्ता संस्थापक सेयर लिलामीमा राखेको हो ।

यसमा इच्छुक लगानीकर्ताले न्यूनतम ७५८ रुपैयाँ मूल्य राखेर आवेदन दिन सक्नेछन् । लगानकिर्ताले शेयर खरिदका लागि न्यूनतम १० हजार कित्ताको आवेदन दिनु पर्नेछ ।

कम्पनीको सेयर खरिदका लागि विद्यमान संस्थापक वा जो कोही व्यक्ति, कम्पनी, संघ, संस्थाले आवेदन दिन सक्ने बैंकले जनाएको छ । शेयर खरिदका लागि जेठ २० गतेसम्म बोलपत्र पेस गर्नुपर्ने छ ।

लिलामी आवेदन एनआइसी एसिया क्यापिटल थापाथली काठमाडौं, एनआइसी एसिया बैंकको कर्पोरेट कार्यालय थापाथली र शाखा कार्यालयहरु विराटनगर, वीरगंज, पोखरा, बुटवल, धनगढी र सुर्खेतबाट पेस गर्न सकिनेछ ।