एकैदिन तोलामा १४ हजार ६ सयले बढ्यो सुनको मूल्य
अनलाइनसमय |
काठमाडौं, ११ चैत । केही दिनयता निन्तर घटिरहेको सुनको मूल्य आज भने बढेको छ । अघिल्लो कारोबार दिनको तुलनामा आज सुन तोलामा १४ हजार ६ सय रुपैयाँले बढेको हो ।
नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला २ लाख ८८ हजार ५ सय रुपैयाँमा कारोबार भईरहेको छ । अघिल्लो कारोबार दिन मंगलबार सुन प्रतितो २ लाख ७३ हजार ९ सय रुपैयाँमा कारोबार भएको थियो ।
यस्तै, आज चाँदीको मूल्य भने बढेको छ । मंगलबार प्रतितोला ४ हजार ५०५ रुपैयाँमा कारोबार भएको चाँदी आज ४ हजार ९२० रुपैयाँ कायम भएको महासंघले जनाएको छ ।
