काठमाडौं, २८ फागुन । साताको अन्तिम कारोबार दिन बिहीबार नेपाल स्टक एक्सचेन्ज (नेप्से) बढेको छ । आज नेप्से परिसूचक ६४ दशमलव ६९ अंकले बढेर दुई हजार ८७७ दशमलव ०३ बिन्दुमा कायम भएको हो ।

आज ५ करोड ६९ लाख २० हजार ६०८ कित्ता शेयर किनबेच हुँदा २१ अर्ब २२ करोड ३४ लाख रुपैयाँ बराबरको कारोबार भएको छ । अघिल्लो कारोबार दिन मंगलबार १२ अर्ब ३ करोड ४४ लाख रुपैयाँको कारोबार भएको थियो ।

आज २४० धितोपत्रको शेयर मूल्य बढ्दा २२ को घटेको छ । यस्तै २ धितोपत्रको भने स्थिर रहेको छ । यसदिन कुल ३४२ धितोपत्र कारोबारमा आएका छन् ।

बिहीबार सबै समूहको उपसूचक बढेको छ । यस दिन विकास बैंक सर्वाधिक ३ दशमलव ९५ प्रतिशतले बढेको छ ।

आज बैंकिङ ३ दशमलव १६, जीवन बीमा २ दशमलव ७६, हाइड्रोपावर २ दशमलव २९, अन्य १ दशमलव ९७, फाइनान्स १ दशमलव ९४, उत्पादन तथा प्रशोधन १ दशमलव ८९, लगानी १ दशमलव ७७, होटेल तथा पर्यटन १ दशमलव ७५, माइक्रोफाइनान्स १ दशमलव २४, निर्जीवन बीमा १ दशमलव ८, व्यापार शून्य दशमलव १६ र म्युचुअल फण्ड समूहको उपसूचक शून्य दशमलव ०४ प्रतिशतले बढेको छ ।

आज ४ कम्पनीको शेयर मूल्यमा सकारात्मक सर्किट लागेको छ । सर्किट लाग्नेमा साल्पा विकास बैंक, रिलाइन्स स्पीनिङ मिल्स, कर्पोरेट डेभलवमेन्ट बैंक र सोलु हाइड्रोपावर रहेका छन् । यस्तै होटल फरेष्ट इनको शेयर मूल्य ९ दशमलव ९६ प्रतिशतले बढेको छ ।

यसैगरी नेपाल लाइफ समृद्धि लगानी योजना ५ दशमलव १२, माहुली लघुवित्तको शेयर मूल्य २ दशमलव ९७ प्रतिशतले ह्रास आएको छ ।