तोलामा ५४ सयले घट्यो सुनको मूल्य
अनलाइनसमय |
काठमाडौं, ५ चैत । नेपाली बजारमा आज सुनको मूल्य घटेको छ । अघिल्लो कारोबार दिनको तुलनामा आज सुन तोलामा ५ हजार ४ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला ३ लाख २ हजार ३०० रुपैयाँमा कारोबार भईरहेको छ । अघिल्लो कारोबार दिन बुधबार सुन प्रतितोला ३ लाख ७ हजार ७०० रुपैयाँमा कारोबार भएको थियो ।
यस्तै, आज चाँदीको मूल्य पनि घटेको छ । बुधबार प्रतितोला ५ हजार १५० रुपैयाँमा कारोबार भएको चाँदी आज ५ हजार १० कायम भएको महासंघले जनाएको छ ।
