बढ्यो सुनको मूल्य, चाँदीको स्थिर
अनलाइनसमय |
काठमाडौं, २७ फागुन। नेपाली बजारमा आज पनि सुनको मूल्य बढेको छ । अघिल्लो कारोबार दिनको तुलनामा आज सुन तोलामा २ हजार रुपैयाँले बढेको हो ।
नेपाल सुनचाँदी व्यवसायी महासंघका अनुसार बुधबार छापावाल सुन प्रतितोला ३ लाख १९ हजार रुपैयाँमा कारोबार भईरहेको छ । अघिल्लो कारोबार दिन मंगलबार सुन प्रतितोला ३ लाख १७ हजार रुपैयाँमा कारोबार भएको थियो ।
यस्तै, आज चाँदीको मूल्य स्थिर छ । आज चाँदी प्रतितोला ५ हजार ७२० रुपैयाँमा कारोबार भईरहेको महासंघले जनाएको छ । मंगलबार पनि चाँदी सोही मूल्यमा कारोबार भएको थियो ।
