सुनको मूल्य सामान्य घट्दा चाँदीको बढ्यो, कतिमा हुँदैछ कारोबार ?
अनलाइनसमय |
काठमाडौं, २९ माघ । नेपाली बजारमा बिहीबार सुनको मूल्य सामान्य घटेको छ । अघिल्लो कारोबार दिनको तुलनामा आज सुन तोलामा १०० रुपैयाँले घटेको हो ।
नेपाल सुनचाँदी व्यवसायी महासंघका अनुसार बिहीबार छापावाल सुन प्रतितोला ३ लाख ६ हजार ५ सय रुपैयाँ कायम भएको छ । अघिल्लो कारोबार दिन बुधबार छापावाल सुन प्रतितोला ३ लाख ६ हजार ६ सय रुपैयाँमा कारोबार भएको थियो ।
यस्तै, आज चाँदीको मूल्य भने बढेको छ । बुधबार प्रतितोला ५ हजार २९० रुपैयाँमा कारोबार भएको चाँदी आज ५ हजार ३४० रुपैयाँ कायम भएको महासंघले जनाएको छ ।
