काठमाडौं, २८ माघ । बुधबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक ० दशमलव ०४ अङ्कले घटेर दुई हजार ६६२ दशमलव ०९ बिन्दुमा कायम भएको हो ।

आज २ करोड २२ लाख ८२ हजार ५० कित्ता शेयर किनबेच हुँदा ८ अर्ब ६९ करोड २२ लाख रुपैयाँको कारोबार भएको छ । अघिल्लो कारोबार दिन मंगलबार ८ अर्ब ६१ करोड ६४ लाख रुपैयाँ बराबरको कारोबार भएको थियो ।

बुधबार हाइड्रोपावर शून्य दशमलव ४७, विकास बैंक शून्य दशमलव १८, निर्जीवन बीमा शून्य दशमलव ०८, लगानी शून्य दशमलव ०७ र बैंकिङ समूहको उपसूचक शून्य दशमलव १ प्रतिशतले बढेको छ ।

यसैगरी होटेल तथा पर्यटन शून्य दशमलव ६३, उत्पादन तथा प्रशोधन शून्य दशमलव ४६, म्युचुअल फण्ड शून्य दशमलव ३६, अन्य शून्य दशमलव २४, व्यापार र जीवन बीमाको समान शून्य दशमलव २३ र माइक्रोफाइनान्स समूहको उपसूचक शून्य दशमलव ०६ प्रतिशतले घटेको छ ।

आज रिदि पावर ९ दशमलव ६४, सिङ्गटी इनर्जी ८ दशमलव ६८, अँखु खोला जलविद्युत् ७ दशमलव २१ र पिपुल्स हाइड्रोपावरको शेयर मूल्य ४ दशमलव ७३ प्रतिशतले बढेको छ ।

यस्तै सुपर माइ हाइड्रोपावर ६ दशमलव ३९, शुवम् पावर ६ दशमलव २१, क्रेष्ट माइक्रो लाइफ इन्सुरेन्स ५ दशमलव ८, सिदार्थ इन्भेष्टमेन्ट ग्रोथ ४दशमलव ७६ र नारायणी डेभलपमेन्ट बैंकको शेयर मूल्य ४ दशमलव ५९ प्रतिशतले ह्रास आएको छ ।