काठमाडौं, १६ वैशाख । मंगलबार नेपाल स्टक एक्सचेन्ज (नेप्से) परिसूचक घटेको छ । आज नेप्से परिसूचक १५ दशमलव ०८ अङ्कले घटेर दुई हजार ६३१ दशमलव ९८ बिन्दुमा कायम भएको हो ।

आज १ करोड ८४ लाख ९१ हजार ९४१ कित्ता शेयर किनबेच हुँदा ७ अर्ब ५७ करोड ५२ लाख बराबरको कारोबार भएको छ । अघिल्लो कारोबार दिन सोमबार ८ अर्ब ९१ करोड २८ लाख रुपैयाँ बराबरको कारोबार भएको थियो ।

आज ५७ धितोपत्रको शेयर मूल्य बढ्दा १८८ को घटेको छ । यसदिन कुल ३११ धितोपत्र कारोबारमा आएका छन् ।

मंगलबार म्युचुअल समूहको उपसूचक बाहेक सबै उपसूचकमा ह्रास आएको छ । म्युचुअल शून्य दशमलव ०७ प्रतिशतले बढेको छ । यस्तै फाइनान्स १ दशमलव २२, लगानी शून्य दशमलव ८३, माइक्रोफाइनान्स शून्य दशमलव ७८, अन्य शून्य दशमलव ७५ र होटेल तथा पर्यटन शून्य दशमलव ६३ प्रतिशतले घटेको छ ।
आज नेपाल माइक्रो इन्सुरेन्स र क्रेष्ट माइक्रो लाइफ इन्सुरेन्सको शेयर मूल्यमा सकारात्मक सर्किट लागेको छ । भुगोल इनर्जी ९ दशमलव ०१, राधि विद्युत् ७ र कर्पोरेट डेभलपमेण्ट बैंकको शेयर मूल्य ६ दशमलव ६३ प्रतिशतले बढेको छ ।

मध्ये भोटेकोशी जलविद्युत् ९ दशमलव ८८, ग्रीन डेभलपमेण्ट बैंकको शेयर मूल्यमा ७ दशमलव ७६ र सिन्धु विकास बैंकको शेयर मूल्य ६ दशमलव ६३ प्रतिशतले घटेको छ ।