काठमाडौं, १७ चैत । कारोबारको पहिलो दिन आइतबार नेपाल स्टक एक्सचेन्ज (नेप्से) परिसूचक अङ्कले बढेको छ । आज नेप्से ३२ दशमलव २२ अङ्कले बढेर दुई हजार ६९५ दशमलव ५३ बिन्दुमा कायम भएको छ ।

आज १ करोड ५५ लाख ७२ हजार ८६२ कित्ता शेयर किनबेच हुँदा ७ अर्ब ५६ करोड ८२ लाख रुपैयाँको कारोबार भएको छ । अघिल्लो कारोबार दिन बिहीबार ५ अर्ब २२ करोड ३० लाख रुपैयाँको कारोबार भएको थियो ।

आज २२२ धितोपत्रको शेयर मूल्य बढ्दा २२ को घटेको छ । यसदिन कुल ३२३ धितोपत्र कारोबारमा आएका छन् ।

आज म्युचुअल फण्ड बाहेक सबै समूहको उपसूचक बढेको छ । लगानी समूहको उपसूचक सर्वाधिक २ दशमलव ०७ प्रतिशतले बढेको छ । त्यस्तै फाइनान्स २ दशमलव ०६, अन्य २ दशमलव ०४ हाइड्रोपावर समूहको उपसूचक १ दशमलव ६३ प्रतिशतले बढेको छ ।

आज म्युचुअल फण्ड भने शून्य दशमलव ०९ प्रतिशतले घटेको छ ।

आइतबार जोशी हाइड्रोपावरको ९ दशमलव ९७, दोर्दी खोला जलविद्युत्को ६ दशमलव ९४, कुमारी सवाल योजनाको ६ दशमलव ३९ र तेह्रथुम पावरको शेयर मूल्य ६ दशमलव २४ प्रतिशतले बढेको छ ।

आज प्रभु स्मार्टफोनको ५ दशमलव ७९, सामुदायिक लघुवित्तको ३ दशमलव ९४, कुथेली बुखरीको ३ दशमलव २५ र सयपत्री हाइड्रोको २ दशमलव ०९ प्रतिशतले शेयर मूल्य घटेको छ ।